«САНЪАТИ МАХЗУН»

«САНЪАТИ МАХЗУН» рисолаест доир ба назарияи иншо, таълифи Мирзо Абдулазими Сомӣ. Аз муқаддима ва ду қисм иборат буда, намунаи ҳуҷҷатҳои расмиро дар бар мегирад. Муаллиф дар ри- сола вазъи умумии иншонависӣ ва номанигории Бухорои нимаи дуюми асри 19-ро инъикос кардааст. «Санъати Махзун» барои омӯзиши фаъолияти дабирон, коргузории вазоратҳо, дафтарҳои харҷу дахли мамлакат, андозҳо ва ҳуҷҷатҳои расмии давлатӣ сарчашмаи мӯътабар мебошад. Дар рисола ақидаҳои эстетикии Сомӣ ва муносибати ӯ ба касби дабирӣ ифода ёфтааст. « Санъати Махзун» барои омӯзиши санъатҳои бадеӣ ва сабку услуби адабиёти тоҷик низ аҳамият дорад. Дар « Санъати Махзун » 20 санъати лафзӣ ва 24 санъати маънавӣ мавриди баҳс қарор гирифтааст. Дар ганҷинаҳои дастнависҳои Академияи Фанҳои Республикаи Советии Сотсиалистии Тоҷикистон ва Академияи Фанҳои Республикаи Советии Сотсиалистии Ӯзбекистон 5 нусхаи дастхати он маҳфуз аст.
3. Хасанова.