Назмии Истаравшанӣ Саидмаҳмудхон (1827, Ӯротеппа —1892/1893, ҳамон қо), шоири тоҷик. Падари Зуфархони Ҷавҳарӣ ва бобои Суҳайлӣ Ҷавҳаризода. Айёми кӯдаки ва ҷавониашро дар зодгоҳаш гузаронида- аст. Дар Бухоро таҳсили илм кардааст. Баъд аз хатми Мадраса Назмии Истарафшанӣ дар зодгоҳаш муддате мударрис, баъдтар муфтӣ ва сипас қозӣ шудааст.
Назмии Истарафшанӣ ҳамчун шахси фозилу донишманд ва шоири хушбаёну бомаҳорат шуҳрат ёфта, сазовори эҳтироми хосу ом будааст. Аз мероси адабии Назмии Истаравшанӣ то имрӯз чанде ғазал ва абёти пароканда дар тазкираву баёзҳо боқӣ мондааст. Ғазалҳояш содда ва равону дилнишинанд. Дар зимни ғазалиёти ишқӣ Назмии Истарафшанӣ ба масъалаҳои сиёсию иҷтимоӣ, ахлоқӣ ва ғайра дахл карда, нуқсонҳои ҷамъияти онрӯза, шахсони пастфитрату ҳасудро фош менамояд.