ҚАБЗИЯТ

ҚАБЗИЯТ (аз ар. — гирифтан, гирифт кардан), сахт шудани меъда, муддати дароз (зиёда аз 2 шаборӯз) хориҷ нашудани наҷосат, ё бо душворӣ қазои ҳоҷат карданро гуянд. Қ. атоникӣ (мустахрӣ) ва ташануҷӣ мешавад, ки ба онҳо Қ.-и неврогени, рефлексӣ, гипокинезӣ (аз камҳаракатӣ), алиментарӣ (ғизоӣ) ва механикӣ мансубанд, ҳангоми бемориҳои системаи марказии асаб ва ихтилоли рефлексҳои шартӣ Қ.-и неврогенӣ ва дар мавриди бемориҳои рудаи рост ва суст шудани фаъолияти гипофиз, ғадудҳои сипаршакл, тухмдон Қ.-и рефлексӣ руй медиҳад. Қ.-и гипокинезӣ аз камҳаракатӣ ва Қ.-и алиментарӣ дар натиҷаи муддати дароз истеъмол кардани хурокҳои камиасҷ (клетчаткааш кам), кам истеъмол намудани моеот ва заҳролудӣ (аз сурб, симоб, никотин, морфия, атропин, доруҳои таскинбахш ва ғ.) cap мезанад. Қ.-и механикӣ зимни тангшавии руда, модарзод дароз будани рудаи ғафс, бемориҳои илтиҳобӣ ва дивертикулӣ (барҷасташавии) руда пайдо мешавад. Ҳангоми Қ. шикам дам карда, халамонанд дард мекунад; бемор беиштиҳо шуда, оруқ мезанад, зоиқааш суст мешавад. Муолиҷа: истеъмоли хурокҳои сернасҷ (мева, сабзавот ва ғ.), қанд, асал, шарбати мева, ҷурғот, оби минералӣ, доруҳои мусҳил (бо тавсияи духтур). Ҳангоми Қ. масҳи шикам тавсия мешавад.

3. М. Вобохоҷаев.