Дарёчаи Абдуқаҳҳор

Абдуқаҳҳор, дарёчаи кғҳӣ, яке аз шохобҳои чапи дарёи Ванҷ дар По­мири Ғарбӣ. Аз пиряхи Абдуқаҳҳор ибтидо гирифта, дар Хирсдара ҷорӣ мешавад. Дарозиаш 13 км. Давраи серобиаш июл – август, камобиаш октябр – март. Манбааш пирях ва барф. Ҳар сари чанд вақт (1937,1951,1963, 1973) дар натиҷаи ба пеш хазидани пиря­хи Хирсон ва банд шудани маҷрои Абдуқаҳҳор дар паси пирях кули калони мавсимӣ пайдо мешавад.

Оби ин кӯл гоҳе аз болои пирях ва гоҳи дигар зери онро раҳна карда ҷорӣ мешавад ва дар ин ҳол сарфи об дар як сония то ба 2000 м³ мерасад. Дар чунин маврид маҷро соҳилҳоро хароб мегардонад. Баъд оҳиста-оҳиста маҷрои дарё ба ҳолати аввалааш бармегардад. Ҳангоми ҳаракати пирях солҳои 1963, 1973 андозаи кӯл мутаносибан чунин буд: ҳаҷмаш – 9,7 ва 17,4 млн м³, дарозиаш  1250 ва 1500 м, ҷойи чуқуртаринаш -82-105 м.