СОРБЦИЯ

СОРБЦИЯ (аз лотинӣ sorbeo — фурӯ мебарам), процесси аз муҳити беруна газ, бур ё моддаҳои дигарро фурӯ бурдани ҷисмҳои сахт ё моеъро гӯянд. Ҷисми фурӯбаранда сорбент (масалан, силикагел, оксиди алюминий, ангишти фаъол ва ғайра) ва моддаи фурӯбурдашуда сорбат (ё сорбтив) номида мешаванд. Хелҳои зерини Сорбция маълуманд: адсорбция, абсорбция, хемосорбция ва конденсацияи капиллярӣ. Хемосорбция таъсири химиявии сорбент бо сорбат мебошад. Конденсацияи капилляри дар капилляр ва сӯрохиҳои майдаи сорбент конденсация шудани бур аст. Бисёр процеосҳои табиӣ панваста ба Сорбция ба амал меоянд. Сорбция дар химия васеъ истифода мешавад.