СУС

СУС, буя, мия, суси ширин, дори ширин, сусках, матк, ширинбуя, ширинмия (Glycyrrhiza glabra), гиёхи бисёрсолаи шириyбехи доруист аз оилаи лубиёихо. Одатан 20—150 см (баъзан то 2 м) кад мекашад. Пояаш рост, мустахкам, баргаш пармонанд (дарозиаш 5—20 см), мураккаб, яъяе аз 3-10 чуфт баргчахои дарозруяи байзашакл ё нештаршакли одатан часпак (дарозиаш 1,5—5 см, бараш 1—2,5 см) иборат аст. Гулаш гулобии сафедча ё бунафш (дарозиаш 5—13 мм), гулбаргаш парвонашакл. Гилофакаш дароз (1,5—3,5 см), 1—8-тухма, тухмаш майдаи гирда, баъзан гурдашакл, чигарранг ё буртоби чилодор (ах 1 га сусзор аз 135 то 1166 кг тухм гундоштан мумкин аст). Май-июн гул карда, июль — октбр тухм мебандад.

Дар сохили дарёхо, руду чуйбор, тугайзори дарёбод, киштзору бог, теппахои зардхок, мавзеъхои серрутубати нишебихои минтакаи миёнакух, шуразмин ва гайра месабзад. Дар Точикистон (каторкуххои Туркистон, Зарафшон, Хисору Дарвоз, Точикиотони Чануби ва Шарки, Помири Гарби) асосан дар дарёбоду доманакуххо (350—1600 м аз сатхи бахр) нуму мекунад. Соли 1966 олимони Институтити ботаникаи Академияи Фанхои РСС Точикистон захираи сусзори чануби республикаро тадкик намуданд. Маълум шуд, ки 5677 га сусзор аст. Захираи бехи Сус («ширинбех» ё «бехи зардруй») ба 31200 т (тар) мерасад. Соле 6240 т (тар) ё 2496 т (хушк) ширинбех (дар давоми 5 сол) чамъ овардан мумкин аст. Дар доманакуххо низ (нохияхои Орчоникидзеобод, Дангара ва Кулоб) кариб 5 хазор га сусзор хаст.

Сус гиёхи доруии кадимист. Давои будани он ба Закариёи Рози, Абурайхони Беруни, Абуалии Сино маълум буд. Сус ба монанди мардумгиёх машхур буд. Сусро барои тайёр кардани дорухои гуногун истифода мебурданд.

Абуалии Сино бо киёми гализи бехи Сус зиккинафасро табобат мекард. Буали навишта, ки Сус найчахои шушро нарму тоза, овозро соф мекунад, ба шушу гулу муфид аст, захми пешобдону гурда ва табларзаи куханро бархам медихад. Киёми бехи он давои исхоловар аст.

Дар тибби халкии точикон Сусро хангоми кабзияти узвхои нафас, ташаннучи мушаки гулу, бехолу бемадори, заъфи системаи асаб, бод гирифтани шикам, камиштихои ва гайра истифода мобаранд. Сус махсусан солхои 50 асри 20, вакте бисёр олимони мамлакати мо ва хоричи муайян карданд, ки дорухои он ба захми меъдаву рудаи дувоздахангушта даво мебахшад, ба мубодилаи обу намак таъсир расонда, чудошавии Na, СI ва Н₂О – ро бозмедорад ва чудошавии калийро метезонад, хеле маъмул гашт.

Холо дар тиб асосан беху решапояи Сус (Radix Gyccyrrhizae)-ро истифода мебаранд. Решаи онро аввали бахор ё тирамох кофта мехушконанд. Сус ба таркиби доруи «Котермопс» дохил мешавад. Онро давои пешоброн ва исхоловар мехисобанд. Киёми гализаш доруи балгамовар аст. Сусро барои хуштаъм кардани дорухо низ ба кор мебаранд. Сус дар саноати хуроквори, канноди, пивопази ва гайра низ ахамияти калон дорад. Саноати хуроквори хар сол кариб 10 т киёми Сус ва 250 т бехи онро истифода мебарад.

М. Хочиматов