ШАНБАЛИД

ШАНБАЛИД, гули шанбалид, шамлит, шамбалид, шанбала, хасбеда (Trigonella foenum-graecum), гиёхи яксолаест аз оилаи лубиёихо. Аз 10 то 70 см кад мекашад. Баргаш думчадор (дарозиаш 4,5—5,5 см), мураккаб (аз баргчахо иборат аст), гулаш парвонашакли зард, буи хосае дорад.

Фирдавси гуфтааст:

Зи наздик чун тарки Рустам бидид,

Ва рухсор шуд чун гули шанбалид.

Гилофакаш 10—20-тухмаи кушоддашавандаи зугуташакл (дарозиаш 6—11 см), нугаш дарафшмонанди каме кач (чангакшакл), зард, тухмаш гирд (дарозиаш 2—5 мм). Апр.— июнь гул мекунад, июнь—июль тухм мебандад.

Шанбалидро дар бисьёр мамлакатхои Шарк, аз чумла Точикистон мепарваранд. Шанбалид дар баъзе нохияхои республикаамон (водии Зарафшон ва Точикистони Шарки) худруй шудааст.

Шанбалид гиёхи доруии кадимист. Онро Дискуридус (Диоскорид; а. 1 м.) ва Абурайхони Беруни чун гиёхи доруи ном бурдаанд. Дар доруномаи 8 мамлакати дуньё кайд шудааст. Дар фитотерапия (табобати наботи) бо Шанбалид чиллаашур (пеллагра)-ро, ки aз норасоии витамини РР руй медихад, инчунин касалихои пуст (дунбал, кубоъ ва г.)-ро муолича мекунанд. Дар тибби чеххо тухми Шанбалид (Semen boen-graeci) доруи зидди балгами ва илтихоби хисоб мсёбад.

Шанбалид (пояи навхезу баргаш)-ро чун сабзавоти стеъмол мекунанд. Тухмашро хамчун хуриш ба таом меандозанд. Баъзан ба орд хам хамрох карда нон мепазанд.

Тухми Шанбалид 0,39% алкалоиди тригонеллин, 3,5—18 мг% витамини Р, сапонинхо, пайвастхои стероиди, кариб 0,3% равгани эфир, 30—38% луоб ва г. дорад.

Ад.: Йорданов Д. [ва диг.] Фитотерапия, София, 1972; Флора Таджикской ССР, т. 5. Л., 1978. М. Xочиматов.