SATO

SATO, asbobi musiqii torist, ki bo kamoncha menavozand. Sato dar bayni tojikoi, uzbekho, eroniyon, afgonho va bisyor khalqhoi mamlakathoi Sharq mamul ast. Sato ba tanbur monand buda, kosaash nisbatan kalontar va sarpush (ruypush)-ash kame vasetar meboshad. On az chubi tut sokhta meshavad. Darozii umumiash 130 —140 santimetr. Baze mutribon tanburro ham monandi Sato bo kamoncha menavozand, yo baraks Satoro misli tanbur bo mizrobnokhun mezanand. Odatan ba rui sarpushi Sato kharak (kamonshakl) guzoshta, az boloi on 3—4 tor mekashand va tori miyonaro nisbat ba torhoi pahlu bo sozi kvarta yo kvivta jur mekunand. Inchunin az tarafi rosti dastaash dar pahlui gushakho baroi aksi sado (rezonans, sadoi yoridihanda) boz 10—11 tori ilovagi mekashand. Onhoro az tagi simhoi asosi kashida, ham simhoi asosi, ham ilovagy ba yak torgir, payvasta meshavand. Dar dastaash pardahoi diatoniki mavjudand, ki dar vaqti onhoro sakht pakhsh kardan ovoz az pardai asosi qarib nim parda balandtar sado medihad. Bo Sato asosan ohanghoi lirikii hazinu nolishnok va nyuansdor navokhta meshavand. Bazan dar hayati ansambli asbobhoi khalqi niz amal dorad. Sadoyash ba ovozi violoncheli nazdik ast. Khodimi Khiz- matnishotdodai Sanati Respublikai Sovetii Sotsialistii Tojikiston, ustodi «Shashmaqom» F. Shahobov dar navokhtani Sato va tanbur mahorati benazir dosht. Ohanghoi navokhtai u holo dar fondi musiqii radioi tojik mahfuzand. I. Rahimov.