FONETIKA

FONETIKA (yunoni rhoneticos az rhone — ovoz), yak sohai ilmi zabonshinosist, ki sokhti ovozii zabonro meomuzad. Sokhti ovozii zabon du jihati omuzish dorad: tavlidiyu akustiki va funkcionaliyu zaboni. In jihathoi nutqi ovoziro du sohai ilmi zabonshinosi: fonetika (dar manoi tangi kalima) va fonologiya meomuzand.

Fonetika na tanho vazifahoi zabonii hodisahoi ovozi, balki jarayoni ovozsozi va khususiyathoi akustikii nutqi ovoziro tahqiq mekunad.
Du navi fonetika — umumi va khususi vujud dorad. Fonetikai umumi dar asosi imkoniyathoi ovozsozii dastgohi guftori inson sharoiti umumii tashkilu tavlidi ovozho va khususiyathoi akustikii onhoro meomuzad va dar asosi in guruhbandii umumii sadonokho va hamsadohoro peshnihod mekunad. Gayr az in, masalahoi ba hamtasirrasonii ovozho dar jarayoni nutq — hodisahoi hamtavlidi, muvofiqatu mutobiqat, tabdilu monandshavii ovozho niz mavzui bahsi Fonetikai umumi meboshand. Fonetikai umumi tabiatu mohiyati vohidi khurdtarini talaffuz — hijoro omukhta, omilhoi hijojudokuniro muayyan mesozad. Tahqiqi vositahoi tashkili muttahidiyu yagonagii kalima, navhoi gunoguni zada (quvvagi, lahni yo musiqavi va gayra) va singarmonizm az vazifahoi Fonetikai umumi meboshad. Fonetikai umumi ohangro niz, ki goho hamchun yake az vositahoi tashkili jumla (yo guftor) buda, Fonetikai sintaksisi nomida meshavad, barrasi menamoyad. Fonetikai khususi hamai hodisahoi zikrshudaro dar yakjoyagi bo vazifahoyashon dar zaminai masolehi zaboni muayyan tahqiq menamoyad. Fonetikai khususi metavonad sokhti ovozii zabonro dar davrai hozirai tarikhi inkishofi on (Fonetikai tavsifi yo sinkhroni) va yo dar zamoni tulonitar (Fonetikai tarikhi yo diakhroni) mavridi omuzish qaror dihad.
Ahamshggi amalii fonetika dar behtar kardani khatu alifbo, talimi talaffuzi adabi, islohi nuqsonhoi nutq (logopediya va surdopedagogika), tarhrezi va ikhtiroi dastgohhoi fahmishi moshinii nutq bagoyat kalon ast. L. Zinder, T. Khaskashev.