ShUTURPOI

ShUTURPOI, shuturpoi, sapali shutur, sala, sula, suala, suoli, bargi yakhak, guli duru (Tus-p silago farfara), giyohest khudruy, ki bargash ba kafi poi (sapali) shutur monandi dorad; az rui tasnifoti botanika giyohi bisyorsolaest az oilai murakkabgulho. Poyaash rost, kutoh (17—25 sm), beshokha. Onro barghoi pulakchamonandi burtobi serpashmak pushidaand. Dar nugi poya yakto «sabadak»-i gul (barash 1— 2,5 sm) hosil meshavad. Dar kanori sabadak gulhoi zabonchashakl (samarovar, yane gulhoi modina) va dar miyonaash gulhoi naychashakli dujinsa joygirand. Guli Sh. zard, sershahdu sergard ast; avvali bahor (mart — apr.) pesh az bargbarori meshukufad. Dar vaqti pajmurdanu khushkidani poyahoi Sh. az bekhi poya barghoi dumchadarozi kalon (barashon 10—15 sm) mesabzand. Rui bargi Sh. sabz, bepashmak buda, pushtash serpashmaki safedtob ast. Sh. dar bisyor nohiyahoi SSSR (Qismi evropoi, Sibir, Kavkaz, Osiyoi Miyona, az jumla Tojikiston) nashunamo meyobad. Odatan guruh-guruh dar labi juyu kanalho, sohili rudho, joyhoi sernam, inchunin chun alafi begona dar bogu kishtzor va g. meruyad.

Abualii Sino Sh.-ro baroi tabobati sulfa yake az doruhoi behtarin medonist. Bino ba malumoti u Sh. quvvai bosiraro meafzoyad, dumbal, puchak va omosro «mepazonad».

Tabiboni khalqi bo jushobi bargu guli Sh. illati gurda, khafadon, ziqqi nafas, sili shush, qabziyati rudavu meda, masona, bo shirai Sh.-i taru toza (ruze 4—6 chumcha) sil va shirincharo tabobat mekardand. Omekhtai barobarhajmi bargi Sh. va gaznaro jushonda bo obash cap (hangomi muyrezi va sersabusaki) meshuyand. Bargi taru tozai Sh. («bargi yakhak»)- ro ba chashmi dardmand, puchaku dunbal va omos mebandand.

Holo bargi Sh. dar dorunomai 15 mamlakati dunyo (az jumla SSSR) asosan chun dorui balgamovar zikr shudaast. Beshtar barg — Folia Farfa-gae va ba miqdori kam guli Sh.—Flores Farfarae-po megundorand; barg boyad doghoi burtob (kasalii zanburugi «zanga») nadoshta boshad.

Dar fitoterapiya (tabobati naboti) naqei bargi Sh.-ro baroi muolijai bemorii uzvhoi nafas, iltihobi shush, ziqqi nafas, gazaki medavu ruda va g. tavsiya medihand.

Dar amali tibbi ilmi bargi kholis yo omekhtai onro bo giyohhoi digar (anisun, busir yo dumi govak, guli khayri, sus, savsan) asosan chun dorui balgamovar, inchunin araqron istifoda mebarand.

Bargi Sh. 5—10% luob, 5% karotinoidho, 2,6% glikozidho, saponinho, moddahoi dabbogi, polisakharidho (deksterin, inulin), 0,5% moddai talkhi tussilagin, 5 mg% vitamini S, payvasthoi kumarini, kislotahoi organiki va g. dorad. Dar gulash faradiol, arnidiol, stigmasterin, fitosterin, taraksantin, rutin va    n-geptokozan nom moddaho daryoft kardaand.

Ad.: Zemlinskny S. E., Lekarstvennie rasteniya SSSR. M., 1958; Yordanov D. [va dig.], Fitoterapiya, Sofiya, 1972; Turova A. D., Lekarstvennie rasteniya SSSR i ikh primenenie, M. 1974; Gamerman A. F„ Grom I. I., Dikorastushie lekarstvennie rasteniya SSSR, M.. 1976.

M.Hojimatov.