FASLHOI SOL

FASLHOI SOL (bahor, tobiston, tiramoh, zimiston), ba davraho taqsim shudani solro guyand, ki dar qadimulayyom muvofiqi harakati -Oftob dar osmon va tagyiri faslho dar tabiat muqarrar gardidaast. Ivazshavii Faslhoi sol dar natijai mayli tiri charkhzanii Zamin ba hamvorii madori Zamin (tahti kunji 66°33′) surat megirad. Hangomi dar girdi Oftob harakat namudani Zamin mehvari on nisbat ba khudash qarib parallel joy ivaz mekunad va binobar in dar davomi sol nisbat ba Oftob ba qutbi shimoli yo janubi (yane ba qutbhoe,ki ba qutbhoi Zamin muvofiqand) mayl mekunad. Dar in mavrid Oftob goh Nimkurai shimoli, goh Nimkurai janubiro beshtar garm mekunad va az in sabab tobistoni Nimkurai shimoli ba zimistoni Nimkurai janubi rost meoyad va baraks.

Ogozi har yak fasli sol dar astronomiya bo harakati ayoni Oftob dar sferai osmoni muayyan karda meshavad.
Ogozi bahor dar Nimkurai shimoli lahzaest, ki Oftob az rui ekliptika harakat karda, dar vaqti guzashtan az Nimkurai janubi ba Nimkurai shimoli (20 yo 21 mart) ekvatori osmoniro dar nuqtai etidoli bahori meburad. Dar lahzai sarshavii tobiston dar Nimkurai shimoli (21 yo 22 iyun) Oftob az nuqtai shimoltarini ekliptika (nuqtai inqilobi tobistoni) meguzarad. Dar lahzai sarshavii tiramoh dar Nimkurai shimoli (23 sentyabr) Oftob hangomi az Nimkurai shimoli ba Nimkurai janubi guzashtanash ekvatorro bori digar meburad (nuqtai etidoli tiramohi). Zimiston dar Nimkurai shimoli (21 yo 22 dekabr) hangomi guzashtani Oftob az nuqtai janubtarini ekliptika (nuqtai inqilobi zimistoni) sar meshavad.
Azbaski madori harakati Zamin dar girdi Oftob ellipsi ast, harakati on nomuntazam meboshad va az in sabab davomoti faslhoi sol yak khel nest. Dar avvali yanvar hangomi az perigeliy guzashtan Zamin ba Oftob nazdiktar buda, bosurattar harakat mekunad. Az in ru, zimiston dar nimkurai shimoli nisbat ba digar faslhoi sol kutohtar, tobiston boshad, tulonitar ast. Alhol dar Nimkurai shimoli bahor taqriban 92,8 shaboruz, tobiston 93,6, tiramokh 89,8 va zimiston 89,0 shaboruz davom mekunad. Faslhoi sol hamagi 365, 2422 shaboruz (soli tropiki)-ro tashkil medihand. Azbaski hangomi harakati Zamin az rui mador farqi bayni masofahoi khurdtarin va kalontarini on va Oftob nisbatan kam ast, tagyiri miqdori garmii Oftob, ki Zamin megirad, ba ivazshavii faslhoi sol amalan tasir namerasonad. D. Saidov.