BONDAREV Yuriy Vasilevich

11 Views

BONDAREV Yuriy Vasilevich (tavallud 15.3.1924, shahri Orski viloyati Orenburg), navisandai rus. Shirkatkunandai Jangi Buzurgi Vatani (1941-45) az avgusti 1942. Qahramoni Mehnati Sotsialisti (1984). Khatmkardai Instituti adabiyoti ba nomi M. Gorkiy (1951). Hikoyahoi nakhustinash soli 1949 dar matbuot chop shudaand. Majmuai nakhustinash – «Dar daryoi kalon» (1953), povesti nakhustinash – «Komandironi javon» (1956). Mavzei asosii ejodiyoti Bondarev dar hikoyaho, povestho va romanhoyash Jangi Buzurgi Vatani (1941-45) meboshad. Dar povesthoi «Batalyonho ba hujum kardan davat mekunand» (1957), «Tirboroni okhirin» (1959), romani «Barfi garm» (1969) va gayra. Bondarev qahramonihoi askaron, afsaron, generalhoi shuravi, inchunin avzoi ruhii onhoro bo mahorati baland tasvir namudaast. Dar romanhoi «Khomushi» (1962) va idomai on – romani «Du nafar» (1964) voqeavu hodisahoi davrai bad az jang, sarguzashti qahramononi ba davrai osoish rasida va mavqei khudro dar zindagi justani onho inikos yoftaast. Dar hikoyahoi majmua «Shomgoh» (1962), povesti «Kheshovandon» (1969) Bondarev az zindagiyu omoli javononi shuravi hikoya kardaast. Bondarev yake az muallifoni senariyai filmi «Ozodi» (1970, dorandai Mukofoti lenini, 1972) meboshad. Dar romani tetralogiya (chorgona)-i «Sohil» (1975, Mukofoti davlatii IJShS, 1977), «Intikhob» (1980; Mukofoti davlatii IJShS, 1983), «Bozi» (1985), «Sanjish» (1991) masalahoi muhimmi ijtimoi, siyosi va manavii davr (solhoi 70-80 zamoni shuravi) matrah gardidaand. Dar in asarho inchunin mavzui Jangi Buzurgi Vatani (1941—45) yake az mavzuhoi asosi meboshad. Umuman dar tamomi osori Bondarev nizohoi dramavii tezu tundi manavi, ijtimoi ba miyon guzoshta shudaand. Az ruyi asarhoi Bondarev «Tirboroni okhirin» (1961), «Khomushi» (1964), «Sohil» (1984), «Barfi garm» (1972) filmho ofarida shuda, peshkashi tamoshobinoni sobiq IJShS gardida budand.

Bondarev dar anvoi digari adabi – essehoi impressionisti «Lahzaho» (1977-82), romani publitsisti dar mavzui ruz «Salohiyatjui» (1994-96), kitobi andeshaho oid ba mavqei adabiyot dar ravandi tarikh «Justujui haqiqat» (1976) va gayra niz asarho ofaridaast. Bo du ordeni Lenin, ordenhoi Revolyutsiyai Oktyabr, Bayraqi Surkhi Mehnat, Jangi Vatani (darajai II), «Nishoni Fakhri» sarfaroz gadidaast.

Osor: Sobranie sochineniy v 8 tomakh., Moskva, 1993-96; Izbrannoe. Moskva, 2004.

Adabiyot: Gorbunova E. Yu. Bondarev: Ocherk tvorchestva. Moskva, 1989.