SANDUQ

SANDUQ, 1) asbobi ruzgor, quttii kalone, ki dar on anjomi ruzgor, asbobi zinat va digar chizhoi nodirro nigoh medorand. Dar ibtido onro az pusti hayvonot tayyor mekardand. Badtar Sanduqro az chub, filizot mesokhtand. Takhtahoi pesh, qafo va zeri Sanduqro ba ham vasl namuda, mekhkub mekunand. Takhtahoro suftavu hamvor namuda, bad qismi peshi Sanduq baroi gulpartoi yo oro dodan tayyor karda meshavad. Az rui takhta tunuka kashida, onro ba tavri dilkhoh oro medihand.

Tunukaro bo mekh zarb zada dar rui on naqshi gul yo yagon naqshi digar mepartoyand, ba ruyash rang memoland. Bazan tunukaro avvil nigor basta bad ba sanduk bo mekh mustahkam mekunand. Tunukaro zarb nazada tanho tavassuti ranghoi gunogun ba tavri dil- khoh niz nigor mebandand. Qismi boloii sarpushi Sanduq kamonshakl buda, bo chaspak ba quttii on payvasta meshavad. Baroi bardoshtani Sanduq az du pahluyash halqa meshinonand. Bo maqsadi az zamin bolotar istodani Sanduq dar chor kunji on poya meguzorand. Dar Sanduqhoi chubi galla niz nigoh medorand, ki on hajman kalontar bu- da, odatan oro namedihand.
Peshtar dar bozorhoi Osiyoi Miyona, az jumla dar bozorhoi Samarqand, Bukhoro, Khujand, Uroteppa va gayra rastahoi makhsusi sanduqfurushi budand. Shashgushak, hashtgushak, quchqoraq, nayzador, bodomcha barin namudhoi Sanduq namunai barjastai sanati amali ba hisob meravand.
Holo dar Tojikiston va digar respublikahoi Osiyoi Miyona korkhonahoi makhsusi sanduqsozi mavjudand. 2) Kajovae, ki dar guzashta jangovaron bar pushti fil basta, ba darunash nishasta tirandozi mekardand.