BOQII JARROHI SAMARQANDI

BOQII JARROHI SAMARQANDI ohangsoz, hofiz, navozanda, musiqidon, shoir va tabibi tojik (nimai duyumi asri 16 – avvali asri 17). Zodgohash Samarqand. Asoshoi nazariyaviyu amalii ilmi musiqi va digar ilmhoi zamonashro az padarash, ki tabibu donishmandi mashhur budu tabi shoiri niz dosht, omukhtaast. Badtar ba Bukhoro rafta, nazdi Kavkabii Bukhoroi shogirdi kardaast. Badi bozgasht az Bukhoro dar darbori Sulton Saidkhon mutrib va tabib bud. Boqi dar in davra yak silsila asarhoi mukammali musiqi ofaridaast, ki az onho «Naqshi Segoh» (bar usuli «Shodiyona», gazali Rizoii Samarqandi), «Peshravi Navo», «Peshravi Rost» (bar usuli «Mukhammas», ba maqomi «Rost»), «Amali Segoh» (bar usulhoi «Fokhtazarb» va «Barafshon» (gazalhoi Jaloluddini Balkhi va Sadii Sherozi) dar Bukhorovu Samarqand Hirot va digar shahrho shuhrat doshtaand. Boqi hamchunin dar shaklhoi musiqii «kulliyot», «rekhta», «saj», «tarona», «kor» yak silsila asarho ofarida, «Kulliyot»-ero bar matni ustodash Kavkabii Bukhoroi tartib doda, ba u bakhshidaast. Boqi dar okhiri umr ba Hisor omada, dar darbori Temurkhon mutribi, saroyandagi va tabibi karda­ast va hamon jo az olam guzashtaast.

Adabiyot: Darveshalii Jangi. Risolai musiqi (forsi). R: 449, 468, 3842, 8739, ISh AI Uzbekiston; Ensiklopediyai adabiyot va sanati tojik. Jildi 1. Dushanbe 1988; Donishnaiai Shashmaqom. Dushanbe, 2009.                    A. Rajabov.