Abalak (Seratocarpus urticulosus), giyohest yaksola, sershokhubarg (az 3 to 30 sm qad mekashad). Bargu poyaash az serpashmaki khokistarrang metobad. Bargash mayda (daroziash 0,5 – 7 sm; barash 0,2 – 1 sm), durusht, darozruya yo neshtarshakl (bazan rishtamonand). Gulash mayda, sabztob (beshtar bahoron meshukufad). Mevaash segusha, ba mevai jagjag monand ast; duto khori boriki tez yo changak monand dorad.
Abalak asosan dar regzor, sanglokh, joyhoi sershibogu shurazori biyobon, kanori roh, zamini partov (mavzehoi vohai daryoi Sir, vodii Vakhsh, Pomiri Garbi, Qatorkuhhoi Turkiston va Zarafshon; 350 – 1800 m balandtar az sathi bahr) mesabzad; abalakzor bazan zamini vasero faro megirad. Abalak alafi begonai kishti galladona ast. Abalak giyohi shifoist. Tabiboni khalqi jushobi bargashro baroi nigoh doshtani khuni bini istifoda mebarand. Abalak khuroki khubi chorvost. Onro bahoru tobiston aspu shutur va moli mayda nagz mekhurad; gov namekhurad. Abalak dar davrai mevabandiash 2 – 9,5% protein, 6 – 7% safeda, 2% ravgan, 37 – 38% kletchatka va 42 – 45% moddahoi qiyomshavandai benitrogen dorad.
Ad.: Komarov B. M., Opredelitel rasteniy Severnogo Tadjikistana, D., 1967; Flora Tadjikskoy SSR, t. 3, L., 1968.