«FAROMURZNOMA»

«FAROMURZNOMA» manzumai hamosiest dar hududi 1500 bayt, ki taqriban okhiri asri 11—avvali asri 12 az tarafi muallifi nomalume navishta shuda, dostonero az qahramonihoi Faromurz — pisari Rustam dar bar megirad. Mazmuni mukhtasarash in ast: Ruze pahlavonon Rustam, Gev, Gudarz, Tus, Fariburz va digaron dar darbor nishasta budand, ki az nazdi shohi Hind rasule bo nomae rasid. Dar noma shohi Hind az Kaykovus darkhost mekard, ki pahlavonero ba nazdi vay baroi yori bifiristad. Az pahlavonon Faromurz barkhosta, mayli ba Hinduston raftan kard. Faromurz dushmanoni shohi Hinduston va jonvari azim (ajdaho)-ero nestu nobud kard va ba Eron bozgasht.
Oid ba «Faromurznoma» dar «Tarikhi Siston», «Mujmal-ut-tavorikh» (muallifash nomalum), yak qasidai Farrukhii Sistoni (lahzai jangi Faromurz bo ajdaho) va digar joyho ishora shudaast. Rivoyathoi digar dar borai Faromurz dar dostonhoi «Shohnoma»-i Firdavsi, «Barzunoma», «Bahmannoma» (sarguzashti pisari Isfandiyor), «Jahongirnoma» va gayra ovarda shudaand.
Nuskhahoi khattii «Faromurznoma» dar Kitobkhonai millii Parij va Muzei Britaniya mahfuzand.
Adabiyot:
M. Dilovarov.