ТУННЕЛ

ТУННЕЛ, тоннел англисӣ tunel), иншооти зеризаминӣ е худ зериобиест барои ҳаракати нақлиёт, дигар кардани масири об, гузаронидани коммуникасияҳо ва ғайра. Андозаи туннел ба таъиноти он ва шароитҳои топографӣ, геологӣ, иқлимии маҳал вобаста аст. Нахустин туннели киштигард (тақрибан 160 м) дар Франсия (охири асри 17) ва аввалин туннели роҳи охири (тақрибан 1190 м) дар Британияи Кабир (1826—30) сохта шуда буд.

Дар Тоҷикистон бо мақсади обёрӣ намудани заминҳои бекорхобидаи дашти Данғара туннели Данғара (дарозиаш тақрибан 13500 м) ба истифода дода шуд (1986), ки яке аз калонтарин туннелҳои мамлакат ба ҳисоб меравад. Сохтмони туннели нақлиётии Анзоб сар шудааст. И. Тоҳиров