СУРЪАТИ КУНҶӢ

СУРЪАТИ КУНҶӢ, бузургиест, ки суръати чархзании ҷисми сахтро тавсиф медиҳад. Ҳангоми чархзании мунтазами ҷисм дар гирди меҳвари сокин Суръати кунҷии он адади ба w=Δ/Δt баробар мешавад, ин ҷо Δ афзоиши кунҷи гардиш Δt дар фосилаи вақти Δt. Дар мавриди умумӣ Суръати кунҷӣ ададан ба нисбати кунҷи элементарии гардиш dѱ бар фосилаи элементарии вақти мувофиқ dt баробар аст: w = dѱ/dt. Вектори Суръати кунҷӣ дар тӯли тири чархзанӣ ба сӯе самт дорад, ки аз он гардиши ба ҳаракати ақрабаки соат муқобили ҷисм (дар системаи рости координатҳо) намоён мебошад. Андозанокии Суръати кунҷӣ Т^-1  аст.