СУНБУЛИ ОБӢ

СУНБУЛИ ОБӢ, эйхорния (Еihhornia), як ҷисии гиёҳҳои обист. Баргаш дар гарданаи реша месабзад. Думчаи баргаш пуфакчашакл аст. Хӯшагулаш базеби сергул, гулаш осмониранг. Барои ороиш даргулҳавз ва аквариум мепарваранд.

Сунбули обиро охирҳои тирамоҳ аз ҳавзҳо гирифта, дар гулхона нигоҳ медоранд. Бештар як намуди он (Е. crassipes)-ро парвариш мекунанд. Сунбули обиро чанд сол аст, ки дар гулҳавзи Боғи ботаникии Институти ботаникаи Академияи Фанҳои Ресспубликаи Совети Сотсиалистии Тоҷикистон мепарваранд. Сунбули оби асосан дар ноҳияҳои тропикии Осиё ва Америка мерӯяд.