Палембанг, шаҳрест дар Индонезия. Маркази маъмурии музофоти Суматраи Ҷанубӣ. Аҳолиаш 583 ҳазор нафар (1971). Бандар дар дарёи Муси.
Аэропорташ дорои аҳамияти байналхалқист. Саноати коркарди каучук, бофандагӣ, хӯрокворӣ, масолеҳи бинокорӣ, чарм, киштисозӣ, инчунин заводи нуриҳои нитрогенӣ дорад. Дар Плаҷу ва Сунгайгеронге ном маҳалҳои ҳаволии Палембанг заводҳои коркарди нефт ҳаст. Ба хориҷа нефт ва маҳсулоти он, каучук, қахва ва ғайра мебарорад.