Шаҳри Оденсе

Оденсе (Odense), шаҳр ва бандарест дар Дания, дар поёноби дарёи Оденсе, дар ҷазираи Фюн. Адолиаш 168 ҳазор нафар (1974). Маркази муҳими киштисозии мамлакат. Корхонаҳои васли қисмҳои автомобил, велоси­пед, истеҳсоли элеватору асбобҳои электрӣ, инчуннн саноати хӯрокворӣ, бофандагӣ ва дӯзандагӣ дорад.

Дар шаҳр университет, музеи бадеӣ, музеи таъриху маданият, музеи «Деҳаи Фюн», хона-музей Ҳ. К. Андерсен мавҷуданд. Шаҳр дар атрофи калисои Вор-Фруэ-кирке (асри 12) ва калисои ҷомеи асримиёнагии Санкт- Кнудс-кирке (асрҳои 13—15) бунёд ёфтааст.