ПРОТОРЕНЕССАНС (аз прото… ва Франсавӣ Renaissance — Эҳё), давраест дар таърихи маданияти италиявӣ, ки аз бисёр ҷиҳатҳо ба санъатя Эҳё замина тайёр кардааст. Истилоҳи «Проторенессанс»-ро бори аввал таърихшиноси Швейтсария Я. Буркхардт истифода бурдааст. Проторенессанс дар асри 13 ва Ибтидои асри 14 нашъунамо ёфтааст. Пайдоиши Проторенессанс ба ташаккули шаҳрҳои озоди Италия, ки дар онҳо ҳунармандию савдо тараққӣ карда, якчанд ислоҳоти зиддифеодалӣ гузаронда шуда буданд, алоқаманд аст. Ба санъати Проторенессанс тамоюли инъикоси ҳиссию аёнии воқеияти реалӣ, тасвири ҳодисоти дунявӣ (ғаиридинӣ) ва майли тамом ба мероси атиқа хос аст. Баъзе аз падидаҳои услуби нави Проторенессанс дар санъати меъмории асрҳои11—13-и Тоскана дида мешавад: рӯйкаши мармарии рангоранг, тақсимоти мутаносибу нозуки девори биноҳо ва истифодаи баъзе унсурҳои биносозии атиқа ба меъмории ин давра имкон дод, ки мураккабии услуби романиро бартараф кунад. Намояндагони услуби готикаи давраи Протопанов (Арнолфо ди Камбио ва ғайра) ба офаридаҳояшон тамкин ва оромӣ мебахшиданд. Ба санъати ҳайкалтарошии давраи Протопанов (Никколо Пизано ва ғайра) рағбат ба шаклҳои нафису зебо, инчунин таъсири давраҳои охири санъати ятиқа хос аст. Мусаввирони Протопанов (Л. Каваллини ва Ҷотто) асарҳои ҳаққонӣ ва муассир офаридаанд. Ҳодисаи ба ҳамин монанд (кӯшиши дар чӣ боварибахш офарндани образҳо) дар адабиёти италиявии ин давра низ мушоҳида мешавад (назми мактаби «долче стил нуово», Данте). Тамоюлоти Протопанов дар эҷодиёти Ф. Брунеллески, Донателло, Мазаччо нақши худро гузоштаанд.