Таджикистан – Энциклопедия на таджикском языке КИТОБАМ

Олтинтеппа, Алтын-депе, харобаи бошишгоҳи мансуби давраи энеолит ва асри биринҷист, ки дар райони Қаҳқаи вилояти Марии Республикаи Советии Сотсиалистии Туркманистон, дар доманакӯҳи Копетдоғ воқеъ аст. Олтинтеппаро бори аввал соли 1929 кормандони Экспедисияи Ховарон таҳти роҳбарии А. А. Семёнов, соли 1949 аъзоёни отряди Экспедисияи комп­лексии археологии ҷануби Туркманистон (ЭКАҶТ) тадқиқ намудаанд. …

Олоти таносул, нигаред Аъзои ҷинсӣ.

Олоти меҳнат, ҷузъи асосяи воситаҳои истеҳсолот: мошин, муҳаррик, асбобҳо ва ғайраро, ки бо ёрии онҳо дар просесси истеҳсолот пред­мети меҳнат ва маҳсулот мебароранд, дар бар мегирад. Олоти меҳнат муҳимтарин ҷузъи таркибии қувваҳои истеҳсолкунанда аст.

Олоти истеҳсолот, олотест (мошин, дастгоҳ, асбобхо ва ғайра), ки бо ёрии онҳо неъматҳои моддӣ истеҳсол карда мешаванд; ҷузъи таркибии воситаҳои истеҳсолот.

Олой, қаторкӯҳест дар системаи кӯҳии Ҳисору Олои Республикаи Советии Сотсиалистии Қирғизистон  ва қисман Республикаи Советии Сотсиалистии Тоҷикистон. Баландиаш то 5539 метр. Тӯлаш қариб 400 километр. Водии Фарғонаро аа тарафи Ҷануб иҳота намудааст. Асосан аз регсангу гил ва варақсангҳои кристаллӣ таркиб ёф­тааст. Нишебии шимолиаш якчанд водиҳои кӯндаланг дорад, нишебии ҷанубиаш ба …