RABOTI MALIK

RABOTI MALIK, yodgorii memorii asri 11, korvonsaroi Dashti Ma­lik, dar sari rohi Bukhoro va Kar­mina, ki soli 1078—1079 dar ahdi Shamsulmaliki Nasr sokhta shudaast. Raboti Malik chorkunja (86 X 86) buda, bo devori balandiash 12 m ihota shuda­ast, ki bo marzai az khishthoi batartib chidashuda intiho meyobad. Qad-qadi devorho khonahoi duoshyona va dar markaz havlii chorkunja dorad. Inshoot az khonahoi istiqomati, anbor va tavilaho iborat bud (qisman kharob gashtaast). Kompozitsiyai namoi asosi mukammalu nazarrabost. Bino doroi peshtoqi boshukuh (balandiash 18 m) buda, dar kunjhoyash burjhoi mudavvari guldastadori muqarnas dorad (yak burjash vayron shudaast). Devori bayni burjho va peshtoq bo qatori nimsutunho (shashtoi) va toqhoi paykonshakl zinat yoftaast. Qismi poyoni devorhoyu burjho az khishti khom buda, bo khishti pukhta ruykash va qismi boloi devorhoyu tamomi peshtoq az khishti pukhta sokhta shudaast.

Burjho vazifai manoraro niz ado mekardand. Ba oroishi peshtoq beshtar diqqat dodaand. Rui on bo naqshhoi girehi az khisht chidashuda (dar shakli sitorahoi hashttega) va navishtajotu hoshiyahoi nazarrabo oro yofta, dokhili toqash rui gaj munabbatkori shudaast. Dar daruntari peshtoq toqi khurdtare guzoshtand, ki vazifai daromadgohro ijro mekunad. Garchande qismi beshtari yodgori vayron shuda boshad ham, az in kharoba shukuhi peshtarai onro tasavvur kardan mumkin. Raboti Malik tajassumi komyobihoi sanati memorii guzashta va zuhuroti davrai navi taraqqiyoti in sanat ast. Agar nimsutunho merosi zamo­ni guzashta boshand, peshtoqi komil va burjhoi kunji (dar shakli ma­nora) unsurhoi navi memoriand. Raboti Malik dar miqyosi Osiyoi Miyona pas az Maqbarai Ismoili Somoni bi­noi mukammaltarin ast.

U. Pulodov.