Oqbayt, qabristoni mansub ba asri 3 to milod, ki dar sohili rosti daryoi Oqsu, 6 kilometr shimoltari Qizilrabot voqe ast. Solhoi 1948, 1952 va 1956 A. N. Bernshtam kashf va tadqiq namud va solhoi 1958—59 Ekspedisiyam arkheologii Pomiri Sharqii Instituti tarikhi Akademiyai Fanhoi Respublikai Sovetii Sotsialistii Tojikiston bo rohbarii B. A. Litvinskiy hafriyotro davom dod. Maydoni qabriston dar Shimol to ba shokhobi rosti Oqsui daryoi Qarokul merasad.
Dar sufachahoi yakum va duyumi boloi sohili daryo (ba darozii 3 kilometr) ziyoda az 100 pushta joygir ast. Se namudi pushta ba nazar merasad: 1) pushtahoi mudavvar yo bayzashakli sangpush va bo halqai sangi ihotashuda; 2) pushtahoi rostkunjai sangu khokpush va bo yak yo du halqai sangi ihotashuda; 3) pushtahoi mudavvar yo bayzashakl. Baze qabrho archapush buda, ba ruyashon khok kashidaand. Az qabrho silohhoi jangi (teg, khanjar, paykon, tabar), inchunin kosahoi birinjiyu chubi, halqahoi tasma, dastponahoi birinji, muhraho, zarfhoi safolii hajman va shaklan gunogun, gushvorai tillo va gayra yoft shudand.