MUHAMMADI

MUHAMMADI     (tavalludash   bayni solhoi 1508—1510—vafotash nomalum), musavvir va minyoturnigori asri 16. Aslan az Tabrez. Pisari Sultonmuhammadi Tabrezi. Sanati minyoturnigoriro az padarash, ki yake az namoyandagoni Maktabi minyoturi Tabrez va yake az hunarmandoni kitobkhonai darbor bud, omukhta, asarhoi avvalinashro dar payravii u ejod kardaast. Yake az minyoturhoi avvaliii Muhammadi portreti shohzoda Tahmosi (1527—1528) meboshad, ki dar murakkai Bahrommirzo joy doda shudaast (holo dar Muzei Istambul). Az ejodiyoti Muhammadi to zamoni mo 15 minyotur rasidaast, ki ba mavzuhoi hayoti bakhshida shuda­and. Muhammadi dar asarhoyash zeboihoi hayot (minyoturhoi «Dildodagon», Muzei Boston; «Shohzoda va muganniyon»), mehnatu mashaqqati odamoni oddi va voqeiyati zindagiro («Majlis dar kuhsor», «Sahnahoi hayoti dehot», Luvr, Parij; «Javon bo bel», «Raqs bo bel») tasvir namudaast. Minyotur­hoi Muhammadi asosan kharakteri bisyorfiguravi doshta, dar onho manzarai tabiat va holatu harakati personajho tabii kashida shudaand («Raqsi darveshon», «Istiqboli shohzodai javon»). Minyoturhoi portretii u «Dar­vesh» (Kitobkhonai davlatii Hinduston), portreti dufiguravii «Forsi javon va hindui ovoragard» khele od­di buda, sifathoi etnografiyu fardii personajhoro tajassum namudaand.

M. Ashrafi.