MEHROBI ISKODAR, mehrobi kandakorii chubini asri 10 az dehai Iskodari rayoni Ayni. Soli 1925 M. S. Andreev yoftaast (holo dar Muzei muttahidai respublikavii tarikhi- kishvarshinosi va sanati tasvirii ba nomi Behzod, Dushanbe). Har juzi kandakoriash kompozisiyai murakkabi oroishiro (naqshhoi handasi, lavhai munabbatkori, katiba va g.) dar bar giriftaast. Dar naqshunigori mehrob usulhoi oroishii chorkalid, ishkelband, mavj, doira, sebarga, islimi, ajdar va katibahoi kufi istifoda shudaand. Toqi mehrob nimgunbazi, dar boloyash kubbai surkhrangdorad. Du pahlui mehrobro sutunchahoi kuzagii boshador oro medihand. Usuli kandakorii Mehrobi Iskodar ba osori kandakorii Zarafshoni Bolo va Chorkuh qarobat dorad. Mehrobi Iskodar durdonai sanati oroishiyu amali buda, namunai olii hunari ustohoi tojik ast.
M. Ruziev.