Kuhhoi FON

FON (kuhhoi Fon), kuhsorest dar bayni qatorkuhhoi Zarafshonu Hisor, dar hududi rayonhoi Panjakentu Ayni. Az vodii darahoi Archamaydonu Kishtud (dar garb) to vodii darahoi Iskandaru fon (dar sharq) ba masofai 45—50 km tul kashidaast. Kuhho asosan az ohaksang, varaqsang, alevrolit va regsang tarkib yoftaand, ki sinnashon ba davrahoi siluru devon mansuband. Dar kuhhoi Fon, makhsusan dar qismi markazii on, qullahoi balandi nuktez bisyorand; Chimtarra—5489 m (az rui malumothoi digar 5487 va 5494 m), Ganzai Kalon —5415 m, Chapdara — 5304 m, Bodkhona —5300 m, Moskva — 5183 m, Ganaai Khurd —5031 m va gayra. Qullahoi baland tamomi sol barfpushand; dar nishebii onho piryakhhoi na chandon kalon (Imat, Chimtarga va gayra) mavjudand.

Ba tufayli agbahoi balandi Alovuddin, Qaznoq va Amshut (besh az 4000 m) az vodii Kishtud ba vodii Fon va Iskandarkul rohi piyodagard hast. Dar Fon qarib 30 kul (Iskandarkul, Kuli Kalon, Chuqurak, Alo, Alovuddin va gayra) mavjud ast. Az Fon rudhoi bisyore jori meshavand (kalontarinashon Pasrud, Sarima, Arg, Urech, Amshut). Jo-joi nishebii kuhho archazoru alafzorand. Dar daraho zarbed, zirk, nastaran, qot, mushsha (mushol), gush, khoma, chaytan, yakhak va gayra meruyand. Fon yake az gushahoi khushmanzari kuhsori Tojikiston, mavzei dustdoshtai sayyohon va kuhnavardon ast.
K. Vazirov.