Oloy, qatorkuhest dar sistemai kuhii Hisoru Oloi Respublikai Sovetii Sotsialistii Qirgiziston va qisman Respublikai Sovetii Sotsialistii Tojikiston. Balandiash to 5539 metr. Tulash qarib 400 kilometr. Vodii Fargonaro aa tarafi Janub ihota namudaast. Asosan az regsangu gil va varaqsanghoi kristalli tarkib yoftaast.
Nishebii shimoliash yakchand vodihoi kundalang dorad, nishebii janubiash ba vodii Oloy rost faromadaast. Tegahoyash bo barfu piryakhho pushida shudaand. Masohati umumii mintaqai yakhpushi on 568 kilometr2. Dar domanakuhho rastanihoi nimbiyoboni maruyand. Nishebihoro dashthoi khushki kovilu tipchoqzor, margzorhoi dashti, archazorho (balandihoi 2000—3200 metr) va az on boloro margzorhoi alpi faro giriftaand.