ЮСУФИ АНДИҶОНӢ (с. тав. ва ваф. номаълум), оҳангсоз, ҳофиз, навозанда ва мусиқишиноси тоҷик (а. 15). Ю. А. зиёда аз 300 асари мусиқӣ тасниф карда аст. У, махсусан, ба мақомҳои «Бузург», «Наво», «Ироқ», «Ҳусайнӣ», нақш, савт, амал, кор, пешрав, тарона эҷод кардааст. Аз ҷумла, «Пешрави Наво», «Амали Наврӯз», «Савти Ушшоқ», «Нақши Ҳусайнӣ», «Таронаи Бузург» ва ғ. дар байни адли мусиқӣ эътибори шоён доштанд. Ю. А. шеър ҳам менавишт.
А. Раҷабов.