ХУНПАРТОӢ, аз узвҳои нафаскашӣ тарашшўҳи хунро гўянд. Xунпартоӣ ҳангоми касалиҳои шуш, сил, омос, газак, думмал, инфаркти шуш ва баъзе бемориҳои дилу системаи хун ва ғ. дида мешавад. Сабаби Xунпартоӣ захмдор ё кандашудани рагҳои хунгард, инъиқоди хун дар шуш ва афзудани тадохули девораҳои рагҳои борик мебошад. Ёрдамчии аввалин: беморро дар ҳолати нимнишаст гузошта, ба синааш халтаи ях мондан; оромӣ. Муолиҷа: бартараф намудани сабабҳои Xунпартоӣ: истифодаи доруҳои хунбанд.