Вилояти ХОРАЗМ

ХОРАЗМ, вилоятест дар PСС Ўзбекистон 15 янв. 1938 ташкил шудааст. Масоҳ. 6,3 ҳаз. км2. Аҳолиаш 866 ҳаз. наф. (1984), аҳолии шаҳрӣ 29%. 10 райони маъмурӣ, 7 шаҳр ва 2 птш дорад. Марказаш ш. Урганҷ. Сатҳи вилоят асосан ҳамвории паст. Поёноби д. Аму аз ҳудуди вилоят мегузарад. Ҳарор, миёнаи янв. -5°С, июл 29°С.

Боришоти солона 80—100 мм. Каналҳои Полвон -Ғaзавот, Қиличбой, Тошсоқа ва диг. барои обёрӣ истифода мешавад.

Корхонаҳои пахтатозакунӣ, фабрикаҳои қолинбофӣ, дўзандагӣ дорад. Зироати асосиаш: пахта (2/3 ҳиссаи замини кишт) ва шолӣ. Току боғдорӣ, обчакорӣ низ ривоҷ ёфтааст. Вилоят бо орденҳои Ленин (1963) ва Байрақи сурхи Меҳнат (1978) мукофотонида шудааст.