ХОНЛАРӢ Парвиз Нотил

ХОНЛАРӢ Парвиз Нотил (тав. 1913, Теҳрон), адабиётшиноси эронӣ . Баъди хатми мактаби олӣ  чанде дар мактабҳои миёнаи Рашт ва Теҳрон муаллим буд. Фаъолияти илмию адабии Xонларӣ  серсоҳа буда, масъалаҳои гуногуни шеъри форсӣ -тоҷикӣ , адабиёти муосири форсӣ , забон ва тамаддуни гузаштаи халқҳои эрониро фаро гирифтааст. Дар монография ва мақолаҳои ў — «Шеър ва ҳунар», «Забоншиносӣ  ва забони форсӣ », «Таърихи забони форсӣ » (ду ҷилд), «Вомиқ ва Азро»-и Унсурӣ  ва «Шоҳнома»-и Фирдавсӣ , «Пасту баландиҳои шеъри нав», «Вазни шеъри_форсӣ », «Таҳқиқи интиқодӣ  дар арўзи форсӣ » ҷиҳатҳои мухталифи адабиётшиносӣ , нақди адабӣ , таърихи забону забоншиносӣ  ва эҷодиёти шоирони бузурги форс-тоҷик мавриди тадқиқ қарор гирифтаанд. Xонларӣ  бо ҳамроҳии Забеҳуллоҳи Сафо зери унвони «Шоҳкориҳои форсӣ » як силсила асару достонҳои маъруф — «Чаҳор мақола»-и Низомии Арўзии Самарқандӣ , «Рустам ва Сўҳроб»-и Фирдавсӣ , «Сафарнома»-и Носири Хисрав ва ғ.-ро ба чоп ҳозир намудааст. Xонларӣ  инчунин шоир аст (маҷм. «Моҳ дар мурдоб»). Xонларӣ  нашри ж. «Сухан»-ро (1943—79) ба роҳ монда, дар тарғиби адабиёти мутараққии Эрон ва инкишофи равобити илмию адабӣ  бо дигар кишварҳо, аз ҷумла, Иттифоқи Советӣ  ҳиссаи калон гузоштааст. Ў ду бор ба Тоҷикистон омада, дар Симпозиуми шеъри форсӣ  (1967) ва ҷашни 650 солагии зодрўзи Ҳофизи Шерозӣ  (1975) суханронӣ  кардааст. Баъзе мақолаю шеърҳои Хонларӣ  ба забонҳои русӣ , тоҷикӣ  ва ўзбекӣ  чоп шудаанд. Доктор ва профессори фахрии УДТ ба номи. И. Ленин. Ф. Наҷмонов.