ХОНАИ БАЧАГОН, дар СССР муассисаи давлатии тарбиявӣ барои бачагоне, ки аз падару модар ҷудо мондаанд ё алоқаи худро бо онҳо гум кардаанд ва ба ёрию муҳофизати давлат муҳтоҷанд. Дар солҳои аввали Ҳокимияти Советӣ Xонаи бачагон дар ихтиёри Комиссариати халқии таъминоти социалӣ буда, аз с. 1920 ба системаи органҳон маорифи халқ гузашт. Ду хел Xонаи бачагон мавҷуд аст: Xонаи бачагони томактабӣ — барои бачагонн то 7-сола ва мактаби — барои бачагони 7—18 сола. Xонаи бачагон якҷоя бо мактаб масъалаҳои тарбияи коммунист, инкишофи ҳаматарафаи бачагонро ҳал карда, тарбиягирандаҳоро ба ҳаёти мустақилона тайёр менамояд. Баробари беҳтар гардидани дараҷаи некуаҳволии меҳнаткашон адади Xонаи бачагон ва тарбиягирандагони он кам мешавад.