ХОҶАГИИ ҒАЛЛА, соҳаест, ки ба истеҳсол, тақсимот ва фурўши ғалла машғул аст. Асоси истеҳсоли ғалла парвариши зироати ғалладона ва лубиёиҳо мебошад.
Сохти зироати ғалла низ хеле тағйир ёфт. Дар Тоҷикистон бештар гандум, ҷав, сулӣ, ҷуворимакка ва шолӣ мекоранд. С. 1980 ба 110 ҳаз. га гандум коштанд. Раёнҳои пешқадами ғаллакори республика: Данғара, Уротеппа, Ғончӣ, Панҷакент ва ғ. Мувофиқи Программаи озуқворӣ дар зарфи даҳ сол (1980— 90) ҳосилнокии дар га зироати ғалладона 6—7 ц зиёд мешавад, ҳосилнокии умумии он то с. 1990 ба 21— 22 ц мерасад. Дар панҷсолаи 12-ум то 250—255 млн т (дар Тоҷикистон мувофиқан 315 ва 320—340 ҳаз. т) ғалла меғўндоранд.