XАРМАГАС, хармагасҳо, номи муштараки 4 оилаи ҳашароти дуболаро гӯянд, ки кирминаашон паразити хоси ҳайвоноти ширхӯр ва баъзан одам (асосан кӯдакон) аст. Хармагасҳо қариб 160 намуд доранд; дар бадани асп, каркадан, фил ва як намудаш дар растанӣ тухм мегузорад; кирминааш ба даҳони ҳайвонот даромада, дар роҳи ҳозима афзоиш мекунад.
Хармагаси ҳалқубинӣ (Оеctridae) ҳашароти зиндазой буда, модинааш зимни парвоз кирминаашро ба сӯрохи бинии гӯсфанд, буз, асп, уштур, гавазн ва ғайра мепошад.
Хармагаси зерипӯстӣ (Нуроdermatidae) аксаран дар мӯи бадани ҳайвоноти ҷуфтсум, хояндаҳо, заргушшаклон тухм мегузорад; кирминааш ба пӯст дохил мешавад. Хармагасро бо усули биологӣ ва тавассути инсектиcидҳо нест мекунанд.