УНИВЕРСИТЕТ

УНИВЕРСИТЕТ (аз лотинӣ universitas — маҷмӯъ), муассисаи олию илмию таълимист, ки дар он маҷмӯи илмҳои асосӣ омӯхта мешавад. Мутахассисони соҳаҳои гупогуни хоҷагии халқ, илму санъатро тайёр мекунад, инчунин тадқиқоти илмӣ мебарад.

Аввалин университет дар Эрон бо номи Ҷанди Шопур пеш аз аҳди ислом амал мекард. Дар Европа (Итолия, Испания, Франсия, Англия) университетҳо дар асрҳои 12—13 пайдо шуданд. Университети Академиявии Петербург (1726—66) ва университети Москва (аз 1755) аз аввалин университетҳои Россия буданд. Соли 1916 дар Россия 11 университет вуҷуд дошт. Ҳоло дар СССР 68 университет амал мекунад (1980). Университети давлатии Тоҷикистон ба номи В. И. Ленин соли 1948 ташкил шуд.