УФА, пойтахти РАСС Бошқирдистон дар соҳили дарёи Белая (шохоби Кама). Узели роҳи оҳан, бандари дарёӣ. Аҳолиаш 1048 ҳазор нафар. (1984). Соҳаҳои саноаташ: таҳвили нефт, химия, мошинсозӣ (заводҳои моторсозӣ, кабел, электротехникӣ, таҷҳизоти конҳои нефт ва ғайра), чӯбгарӣ, саноати сабук ва хӯрокворӣ.
7 донишкадаи олӣ (аз ҷумла Университети Бошқирдистон) ва 4 театр дорад. Уфа соли 1574 чун қалъаи русҳо ба вуҷуд омад, аз соли 1586 шаҳр ва аз соли 1922 пойтахти РСС Бошқирдистон
Бо ордени Революсияи Октябр (1974) мукофотонида шудааст.