ТУСИҲО

ТУСИҲО, хадангиҳо (Веmuleaceae), оилаи буттаву дарахтони хазонреpро гӯянд. Барги яклухти содда, гули дуҷинса, «чормагз»-и қанотакдор дорад. Тусиҳо одатан дар ҷойҳои сернам мерӯянд. Гули онҳо ҳангоми вазиши бод гардолуд мешавад.

Тухми тусиҳоро об, парранда, хояндаҳо, инчунин шамол паҳн мекунанд. Тусиҳо 6 ҷинс (беш аз 100 намуд)-и растаниҳоро дар бар мегиранд. Дар Тоҷикистон фақат 2 ҷинси тусиҳо — тӯс ва фундуқ мерӯяд. Аз тусиҳо ашёи доруӣ ва техникӣ мегиранд. Онҳоро барои сабзкории шаҳру деҳот низ истифода мебаранд. Мағзи фундуқ хуштаъм ва серғизост.