ТРИБУНАЛ (лотинӣ tribunal — ҷои судкунӣ, судхона; маънои аслиаш баландие, ки дар Рими Қадим шахсони олимартаба — консулҳо, преторҳо ҳангоми иҷрои вазифаашон андар он менишастанд), 1) дар Франсия—суди фавқулодаи революционии давраи Революцияи Кабири Франсия;
2) дар СССР — судҳое, ки мувофиқи Декрети Совети Комиссарони Халқ оид ба суд аз 22 ноябр (5 декабр) 1917 барои муборизаи зидди контрреволюция ва ҷиноятҳои хавфнок таъсис шудаанд;
3) судҳое, ки корҳои оид ба ҷиноятҳои ҳарбӣ ва дигар ҷиноятҳо мувофиқи қонун ба ихтиёри онҳо супорида мешаванд.