ТИЁНШОНИТ (аз номи куҳҳои Тиёншон), минералест, ки онро нахустин бор соли 1967 геологҳои тоҷик В. Д. Дӯстматов ва В. Ю. Алхазов аз қаторкӯҳи Ҳисор ёфтаанд. Таркиби химиявиаш NаВаМn ТiВ2Si6O20-Сахтиаш 6—6,5; мӯрт; зичиаш 3290 кг/м3.
Рангаш сабзи пистамонанд; ҷилояш шишагун. Дар рагҳон пегматитӣ, ки массиви сиенитҳои ишқориро бурида гузаштаанд, ҳамроҳи минералҳои пирохлор, астрофиллит, бафертисит, данбурит, датолит галенит, сфен ва калсит вомехурад.