ТЕОФРАСТ

ТЕОФРАСТ, Фсофраст (номаш Тиртам, тақрибан 372—287 то мелод), файласуф, табиатшинос ва яке аз аввалин набототшиносони Юнони қадим. Шогирд ва ҳаммаслаки Арасту, баъди вафоти ӯ роҳбари мактаби фалсафиаш машшоъро бар ӯҳда дошт. Муаллифи зиёда аз 200 асари илмӣ оид ба табиатшиносӣ, фалсафа, физика, минералогия, психология ва ғайра. Растаниҳоро тасниф карда, маълумотҳои ҷамъшуда оид ба морфология, география ва истифода бурдани растаниҳоро дар соҳаи тиб ба як низоми муайян даровард.