ТЕЛ-АВИВ, калонтарин шаҳри давлати Исроил, маркази иқтисодӣ ва мадании мамлакат. Бандарест дар соҳили баҳри Миёназамин. Аҳолиаш 329,5 ҳазор нафар (1981). Соҳаҳои саноаташ: мошинсозӣ, коркарди металл, химия, коркарди алмос, фармацевтӣ, бофандагӣ, хӯрокворӣ, коғаз, чарму пойафзол, полнграфия ва ғайра Университет, музею театрҳо ва консерватория дорад.
Тел-авивро соли 1909 мустамликадорони яҳудӣ шимолтар аз шаҳри Ёффо бунёд кардаанд. Соли 1949 Тел-авив бо Ёффо ҳамроҳ гардид. Солҳои 1948—50 Тел-авив пойтахти мамлакат буд. Январи 1950 ҳукумати Исроил бар хилофи қарори Ассамблеяи Генералии ТДМ Иерусалимро пойтахти мамлакат эълон намуд.