ТАХОГЕНЕРАТОР (аз юнонӣ tасhos — суръат ва …генератор), микро- мошини электрии навъи генераторист барои чен кардани басомади гардиши навардҳои мошинҳо ва механизмҳо (бо ротори тахогенератор пайвастшуда).
Кори тахогенератор ба таносуби басомади кунҷии гардиши ротори генератор ва КЭҲ-н он ҳангоми доимӣ будани бузургии ҷараёни ҳаракатовар асос шудааст. Тахогенератор ҳоло дар олоти гуногуни автоматика, электромеханика, техникаи ҳисоб ва ғайра ба сифати датчикҳо истифода мебаранд. Иқтидори тахогенератор якчанд Вт шуда метавонад.