ТАСАВВУР

ТАСАВВУР (арабӣ —ба ёд овардан), дар психология пайдо шудани образи чизе дар қишри мағзи сар. Тасаввур образи предмету ҳодисаҳои воқеист, ки пештар идрок шудааст. Манбаъ ва сарчашмаи Тасаввур ҳақиқати объективист.

Тасаввур зинаи муштараки эҳсосот ва тафаккур ба ҳисоб меравад. Тасаввур аслан биноӣ, шунавоӣ мутаҳаррик мешавад. Хелҳои тасаввур дар ҳар одам вобаста ба таҷриба ва тарзи ташаккули психологии ӯ ба тарзи гуногун инкишоф меёбанд. Масалан, дар рассом Тасаввури биноӣ, дар мусиқинавоз тасаввури шунавоӣ бартарӣ дорад.
Н. Сафаров.