ТАРОШКОРД, олоти сангиест, ки дар давраи палеолит паҳн шуда буд. Тарошкорд асосан хоси маданияти мусте буда, дар давраҳои аввал ва охири палеолит низ вомехӯрад. Тарошкорд санги ростқиррае буда, қирраҳои рост ё барҷастаи он вазифаи теғро адо мекарданд.
Тарошкорд барои тарошидан ва буридани пӯсти ҳайвоноту дарахтон истифода бурда мешуд. Баъзеи тарошкордҳо эҳтимол, дастаи чӯбин низ дошта бошанд. А. Г. Амосова.