Теги: турбина

ТУРБИНАИ РЕАКТИВӢ, турбинаест, ки ротори он қувваи ҷараёни реакцияи дар каналҳои турбина ҳосилшавандаро истифода мебарад. Дар он зиёда аз 50% анергияи потенсиалии ҷисми корӣ ба энергияи наварди турбина табдил меёбад.

ТУРБИНАИ ОБӢ, турбинаи гидравлӣ, гидротурбина, мошини паррадорест, ки энергияи механикии обро ба энергияи меҳвари чархзананда табдил медиҳад. Асосан дар ГЭС истифода мешавад. Диаметри чархи кориаш то 10 м, иқтидораш зиёда аа 600 МВт ва фишори об то 1700 м шуда метавонад.

ТУРБИНАИ КОНДЕНСАСИОНӢ. як навъ турбинаи буғиро гӯянд, ки дар он цикли корӣ бо конденсасия шудани буғ ба охир мерасад. Буғи конденсацияшуда боз ба деги бухор бармегардад. Дар ҳамаи стансияҳои электрии ҳароратӣ ва атомӣ истифода мешавад.

ТУРБИНАИ ГАЗӢ турбинаест, ки дар он энергияи гармии гази тазйиқшуда ва тафсон (одатан маҳсули сӯзиш) ба кори механикӣ табдил меёбад; ба таркиби муҳаррики газотурбинӣ дохил мешавад.

ТУРБИНАИ БУҒӢ, турбинаест, ки энергияи ҳароратии буғи обро ба кори механикӣ табдил медиҳад. Турбинаи буғӣ собит (масалан, дар электростансияҳои ҳароратӣ) ва мутаҳаррик (дар киштиҳо) мешаванд. Турбинаҳон буғии яккорпуса ва бисёркорпуса (одатан аз 4 корпус зиёд нест), якнаварда (навардҳои ҳамаи корпусҳо як меҳвар доранд) ва ду, сенавардаи ба таври мувозӣ ҷойгиршуда …