Теги: Тибби қадим

САЯЛОН (арабӣ—ҷоришавӣ), дар тибби қадим истилоҳест, ки ҷорӣ шудани ҳар як моддаи моеъро ифода мекунад. Беист рехтани оби чашмро Саялони ашк ва аз бачадони занҳо рафтани рутубатро Саялони р а ҳ и м меноманд.

САФЪА (арабӣ), дар тибби қадим истилоҳест, ки сар (нӯг)-и пистони занҳоро ифода мекунад.

САФУФ (арабӣ ), г а р д д о р у, дар тибби қадим доруи хушки куфтаеро гӯянд.

САФИФА (арабӣ пешонӣ) тибби қадим истилоҳест, ки мавзеи байни чашмону мӯи пеши сарро ифода мекунад.  

САРАФ (арабӣ — хирагии ақл), дар тибби қадим истилоҳест, ки заиф ва хира шудани ақлро ифода мекунад.

САНТУРИ САҒЙР (арабӣ сантури хурд, кӯчак), дар тибби қа- дим воҳиди вазнеро гӯянд, ки ба шаш дирахм (15,12 грамм) баробар аст.

САЛЪА (арабӣ — гиреҳи модда), дар тибби қадим ғурриеро гӯянд, ки дар зери пӯст пайдо мешавад. Номи диг. липома.

САЛЪ (арабӣ— кафидагии пой), салаъ, дар тибби қадим бемориеро гӯянд, ки ҳангоми oн пӯсти пойҳо мекафад.

САЛОБАТ (арабӣ— сахтӣ), дар тибби қадим сахт шудани узверо гӯянд, ки ба сабаби баъзе бемориҳо воқеъ мегардад. Сахт шудани пилкҳои чашмро с а л о б а т у л а ҷ ф о н ва сахт шудани пистони занҳоро Салобати пистоди мегӯянд. Ниг.Склероз.

САЛЛУЛАЙН (арабӣ- кашида шуданн чашм), дар тибби қадим истилоҳеро гӯянд, ки хурд шудан, фурӯрафтан ва ба дарун кашида шудани чашмро ифода мекунад.