Теги: Фарҳанг

Пайванд, трансплантасия, навда (қаламча) ё муғҷа (чашмак)-и як растанӣ (пайванддӯст)-ро ба ди­гараш (пайвандтак) пайвастан. Пайванд яке аз муҳимтарин усулҳои афзояши нашвии растанӣ (нигаред Афзоиш) буда, дар ҷангалзорӣ, току боғдорӣ, растанипарварӣ ва парвариши ниҳолу растаниҳои орошӣ васеъ истифода мешавад. Пайванд барои нигоҳ доштани хусусиятҳои навъии растаниҳои бисёрсола; иваз кардани пайвандтак, ки …

Пай (юридикӣ), 1) ҳиссаи иштирок дар ягон ширкат ва ҷамъияти аксионерӣ. 2) Дар СССР ҳаққи аъзоиеро гӯянд, ки аз тарафи узви ташкилоти кооперативӣ супорида меша­вад.

Па-де-де (фраке, pas de deilx — рақси дукаса), номи яке аз шаклҳои маъмули мусиқию рақсӣ дар балет. Аз қисмҳои зерин: баромади умумӣ— адажио (рақси дукасаи лирикӣ), аллегро —ду вариасия (рақси яккаи раққос ва раққоса) ва кода (рақси якҷояи хотимавӣ) иборат аст.

Падаршоҳӣ, як шакли маъмули муносибатҳои ҷамоти ибтидоист, ки зимни он дар хоҷагӣ, чамъият ва оила мард ҳукмфармоӣ мекунад. Дар натиҷаи тараққии қувваҳои истеҳсолкунанда ва афзудани ҳосилнокии меҳнат дар ҳамаи соҳаҳои хоҷагии ҷамоаи ибтидоӣ: деҳқонӣ, чорводорӣ, шикор ва моҳигирӣ Падаршоҳӣ ба амал пайваст. Тараққкёти истеҳсолот боиси авҷ гирифтани мубодила ва пайдо …

Падарвакил, дар урфият шахсест, ки дар шаби никоҳ бо ризоияти арӯс вазифаи падари арӯсро иҷро мекард. Одатан тағоӣ, амак ва ё ягон хеши наздики арӯс Падарвакил интихоб мешуд. Падарвакил пеш аз никоҳ бо ду нафар гувоҳ ба назди арӯс рафта хоҳиш мекард, ки ваколати худро ба ӯ супорад ва ба …

Падарарӯсак, таҳрифшудаи пардаарӯсак.

Оҳанрабо, ҷисмест, ки охан ва баъзе дигар металлу хӯлаҳоро ба худ мекашад. Нигаред Магниты доимӣ.

Оқмола, нигаред Селиноград.

Оқмачит, нигаред Қизилӯрда.

Оқир ( —нозо), зан ва ё мардеро гӯянд, ки аз он фарзанд нашавад.