ТИББИ КАЙҲОНӢ, як қисмати илми тибро гӯянд, ки таъсири парвози кайҳониро ба саломатӣ ва қобилияти кории одам меомӯзад, талаботи тиббиро ба системаи таъмини зиндагонӣ ва идораи аппаратҳои кайҳонӣ, усулҳои интихоб ва тайёр намудани кайҳонавардон мутобиқ месозад ва чораҳои пешгирӣ ва муолиҷаи бемориҳои аз таъсири парвози кайҳонӣ сарзанандаро муқаррар менамояд.
Тибби кайҳонӣ дар миёнаи асри 20 пайваста ба инкишофи кайҳоннавардӣ ташаккул ёфт. Ҳоло ба як соҳаи серҷабҳаи илму амалия табдил шудааст.